Now Reading
انا فتاة عمري 18 سنة داخلة 19 جامعية حياتي بائسة و شايلة هم ما هو هم طبيعي

انا فتاة عمري 18 سنة داخلة 19 جامعية حياتي بائسة و شايلة هم ما هو هم طبيعي

PIN IT

انا فتاة عمري 18 سنة داخلة 19 جامعية حياتي بائسة و شايلة هم ما هو هم طبيعي. عايشه في جده واول سنه بالجامعة في كلية الصيدلة .. الموضوع هو حياتي بائسه من وانا صغيره وانا شائله هم ماهو طبيعي من موت احباب كالجد والجدة ومن ضرب امي المبرح ومن النقد الجارح الي كان يجيني من الوالد والوالدة ومن أخوي الكبير. كبرت وقرأت وتثقفت بس نفسيتي تسوء يوم بعد يوم ومن شدة البأس بدأت أبعد عن ربي. يا ناس الهموم تنصب علي من كل حدب وصوب وكأنها ما حصلت ملجأ الا انا وقاعده تستوطني واهلكتني! جدا سيئة حياتي من ناحية المال والأهل والأقارب يا جماعه كل يوم وحياتي تصير اسوأ من قبل. واستغرب يوم اشوف الناس تبغا الحياة ويوم اشوفهم يبعدون ويخافون من الموت وانا اتمنى الموت من وانا طفله الى اليوم. لما نجي ناحية المال ابويا ما عنده عزة نفس ولا كرامه للأسف وجدا ضعيف شخصيه! ابويا ما كمل جامعه وفتح له محله الخاص فيه بس ما قدر عليه وفشل ويا ناس انسرق وهو يدري انه ينسرق بس ساكت لأنه خائف من ردة فعل الي يسرقه. وما ترك المحل الا بعد ما تراكمت عليه الديون ووصلت الثمانين الف وما يبغا يشتغل ولا يتعب نفسه وامي راتبها بس الفين وقاعد يأخذ منها فلوس وهي الي تصرف علينا وعلى البيت. احنا عائشين مع جدتي ام ابويا وعمي كمان فهي تجيب لنا طلبات ولحم ودجاج وعمي كمان يدفع من فلوسه عموما اخوان واخوات ابويا كلهم يستحقرونا بسبب هذا الشيء وابويا ساكت ولا كأنه احد يقول شيء. ودايما ينتقد ويبغانا نخدمه وهو ما يبغا يشتغل جالس في البيت زي الحريم مره اشتغل براتب ٣ الف وكلها راحت ع ديونه ومعاد كمل شغله وجلس في البيت واذا امي جلست تكلمه عن الفلوس يطنشها ولا يتناقش معا ها وكأنها ما تتكلم. وهذا الشيء يرفع ضغط امي لأننا محتاجين ويكفيها استحقار اخوانه واخواته لنا وتصرخ من قلبها من كثر تطنيشه لها لكن اذا سوالف فيها أشياء ثانيه يجلس يتكلم. مرات يجي يكلمني وينتقدها المسكينة ويقول امكم هذي مره ما شفت زيها! تدرون كمية القهر الي احس فيها يوم يتكلم عليها وينتقدها من وراها!احس ودي اصرخ عليه بس ساكته ومحترمته بحكم انه عقوق للوالدين!! بجيح مره واذا تكلمو عماتي عليها مره ما يتكلم ولا يرد ولايدافع عنها ولا عننا وكأنه مبسوط انه في احد ينتقدها وينتقدنا بس عشان ماتقول له كلام حلو!! متخيلين!! يجلس يتفرج ع مسلسلات كويتية ويجلس يطبق دراماتهم ويبغى حريمنا نفس حريمهم بالكلام الحلو وما اعرف ايش يا ناس مايشوف نفسه ومعاملته لها يعني هي تصرف على البيت وعلينا وفوق كذا تطبخ وتشتغل في البيت وبرا البيت واذا جلست ع الجوال شويه يقول هذي ما تخدم ولا تسوي اي شي وربي نفسي مخنوقة بسبب هذا الشي يا ناس تعبانة من كل حاجه من اني ما حصلت حب اب ولا ام ولا قريب ولا بعيد يا ناس وانا طفله خالي تحرش فيني ونفسي مكسورة واحس بالقرف. ومن قريب بدأت اتقرب من ابويا لعل تتحسن نفسيته ويمكن يحس ع نفسه و يبدا يصرف علينا ويحبنا واقول له من الكلام الطيب واخدمه من قلب فجاه امي تقول لي وشفيه ابوكي ينادي اسمك وهو نائم! ويوم جات سألته قدامي جاء قال كنت صاحي وبس كذا انادي اسمها!! وربي لو تحسون كمية القرف الي حسيت فيها يعني شيء يغبن وانتم فاهمين وش اقصد  يا جماعه اغلبهم الي في العائله اذا مو كلهم يفكرون فيني بشكل جنسي بحت بحكم ان وجهي وجسمي جميلين وكرهت هذا الشي الي مفروض اي بنت تنبسط فيه وشي مقرف ناهيك عن تربص اختي الي ما اسميها اختي حسبي الله عليها الله لا يسامحها و ما راح اسامحها. وصلت لحد الكره لها. الكره الي يضرني انا!! دايما اسمع قرآن قبل ما انام لعل يخفف عني وفعلا يخفف عني واصلي وما اصلي وابعد عن ربي وارجع بقوه واصوم واصلي السنن وادعي ربي بس ما تغير شيء والحياه كل مالها تزيد بأسها وثقلها علي والله يا ناس ماني قادره انبسط خصوصا الفترة الأخيرة وانا ثاني ثانوي امي وابويا تهاوشو بشكل يوصل للضرب كالعادة وانا جيت افكهم واخواني كمان ونفسيتي انكسرت وسمحت لشخص الله لا يسامحه يدخل حياتي لأني ابغا اهتمام ولعل انبسط وانسى مشاكل العائلة هذي وفعلا انبسطت وانا اكلمه شهرين او ثلاثة ونسيت همومي وفرحت وبعدين تغير معانا واتوقع جلست معه كمان زيادة ٦ او ٧ شهور اذاني فيها نفسيا بس ما قد سمع صوتي ولا شافني لأني كنت خائفة من ربي وبنفس الوقت احتاج احد اكلمه وينسيني الهم ولعب بنفسيتي لعبب ما هو طبيعي وزادني هم على همي والله يا جماعه عيوني كادت تبيض من الحزن والهم الان انا جامعه ولازلت اعاني من الهم حقه الي انضاف لهمومي واعاني من استحقار عماتي بسبب ان جدتي تعطينا مقاضي البيت وما اعرف ايش وبسبب عمي الي معاها يوم يقول انا اصرف عليكم واكيد البقيه يستحقرونا هم وعيالهم بسبب ابويا لأنه ما يصرف علينا وعلى البيت وامي وش تسوي بالألفين هذي!؟ ناهيك ان خالي ماسك فلوسها الحين لأنه محتاجها .. يا جماعه تعبت تصدقت من كل مكافأة نزلت لي من الجامعة ولا انشرحت نفسيتي ولا زاد مالي. واسيت كثير ناس لعله يكون سبب لفرج همومي وما شكيت الا لله وما تحسنت حياتي وتركت اواسي غيري لأن همومهم بدأت تنضاف لهمومي وبدأت اضعف .. استغفرت صليت على النبي عليه افضل الصلاة والسلام وما صار شيء كنت اواسي نفسي بآية ربي (( ان يمسسكم قرح فقد مس القوم قرح مثله وتلك الأيام نداولها بين للناس)) وكانت تأثر فيني آيات ربي .. آيات الصبر . وكلام بدر المشاري .. وصوت ادريس ابكر في تلاوة ٨ رمضان .. بس الحين ما في شيء قادر يريح قلبي حتى البكاء مو راضي يجيني قبل كنت ابكي ٣ ساعات واربعه متواصلة وكنت ارتاح وكنت ابكي كثير .. امي بكتني كثير وتعبتني بضربها المبرح لي يوم كنت ابتدائي ومتوسط ويوم تقسو عليا بكلامها وتقول لي انتي زي الحجر بطريقي لو متي بتنزاح الحجره من طريقي وربي بكاني كلامها هذا وفجر قلبي ودموعي. واختي تفتن عليا بابسط الاشياء وتتكلم عني ويوم كنت اقول لأخوي الصغير اسراري فجأه اكتشف ان كل اسراري عندها واذا تضاربت معاها تجي تقول تحسبيني ماني عارفه اسرارك وقالت ان اخويا قالها كل شيء وقالت ذا الكلام قدامه وقدامي ويوم طالعت فيه وشفت وجهه حسيت ماله وجه يقول شيء وعرفت ان صدق كان يقولها كل حاجه. والي كرهني فيها اكثر ما تصلي وتسوي أشياء ما ابغا اذكرها بس وصخه وبويه وتنزل صورها للناس كلها وما همها. وفوق كذا تصرخ صراخ رجال وما عندها لإحياء ولا عيب وتجلس تسب ع كل شيء والحين هي حاقده عليا عشان شيء وانا جدا خائفة وتعبانة وماني قادره لحاجه لأني تعبانه احس مو لذي الدرجة. للأسف حاولت انتحر اكثر من مره وكلها باءت بالفشل وهذا اكيد من رحمة ربي اكيد مايبغا يعذبني عشان كذا مارضا اني اموت بهذي الطريقة. احب ربي والله من وانا صغيره ودايم القران بإذني واحبه حبب ماهو طبيعي ودايم اسمع مديح الشيوخ لربي بس تعبانه والله جيت اشكي لاني الان تركت الصلاه ومحطمه نفسيا وكل ماابغا اصلي احس مالي نفس مره للصلاة مره ما ابغا أقوم واحس بالوهن والتعب. دايما والله اضحك للناس واهلي ع أساس كل شيء بخير ودائما ابتسم واضحك من قلبي تصنع عشان أضحكهم وانا خايفه ومنهارة وتعبانة. قرأت سورة البقرة لأيام متواصلة ورا بعض قلت يمكن سحر يمكن عين يمكن حسد بحكم ان زمان ودوني عند خالد الحبشي يقرأ علي لان كان فيني مس داخل أذى منها عرفت وجلست اسمع رقيات بس مافي فايدة وفتحت حساب سحابة في الانستقرام واشوف الكل يقول سورة البقرة عجائبها عجائب وانا يوم جلست اقرأها يوميا كامله ما حصل لي شيء بالعكس وضعي كل ماله يسوء. تعبانه والله .. كنت اتحلم احلام يقظه واهرب لها من هذا الواقع المتعب بس بدأت تضرني حتى هذي الاحلام كنت احط اشكال الناس الي اعرفها من ناحية بنات وابناء عمي وشخصياتهم كانت من خيالي وكنت احبها شخصياتهم بعالمي .. ويوم جيت للواقع انصدم بشخصياتهم وانهم كمان يستحقرونا زي اهلهم لان معاهم فلوس واحنا ما عندنا .. وابويا احس يحب عيال اخوانه واخواته اكثر من عياله. امي كانت دايم تقول مافي شيء زي كذا مافي اهل ما يحبون عيالهم. بس هو صدق ما يحبنا وشفته هذا الشي يوم كنت صغيره. بدأت اكره كل حاجه ونفسي انتحر ويوم بحثت عن ذا الشي وع اساس اية ( ان الله لا يغفر ان يشرك به ويغفر ما دون ذلك لمن يشاء ) ما ذكر ربي في هذي الآية انه لا يغفر الانتحار .. بحثت عن الانتحار عند موقع الشيخ ابن باز رحمه الله وبحثت وبحثت وطلع حرام الانتحار بسبب هموم ولكنه يجوز في حالات ثانيه .. بس مره ماحد راح يستحمل هذي الحياه! تعبت والله بدأت احس ان ربي يمكن غاضب عليا يمكن سويت شيء اغضبه لهذي الدرجة وجلست اتكلم مع ربي اذا فيه شيء سويته اذا ظلمت احد او غلطت في حقك ياربي وجلست اقول يارب وريني غلطي هل انت تكرهني هل فيه شيء سويته اغضبك؟ وحلمت ومااتذكر الحلم بالضبط بس كان بنور ابيض وانه يحبني او مو غاضب علي او انه بيسعدني ماادري هل حلمي حقيقه ام هو عقلي الباطن سببلي هذا الحلم لاني كنت افكر فيه قبل ماانام.. والله تعبت مره ياجماعه بدأ التعب النفسي يوصل للجسدي بطني صايرة تألمني وصرت ادوخ بكثره ومرهقه ومصدعه لي أسبوع.

 

ج1/ اختي عليك بحوقلة لاحول ولاقوه الا بالله ، بأعداد كبيرة بتغير حياتك للأفضل ان شاء الله.

 

ج2/ اقرئي سورة البقرة يوميا مع تلاوة القرآن عارفة ستجدين ما لم تكوني تتخيلينه البركة تصيب الجميع وليس انت فقط البركة ستكون في البيت وافراد العائلة كلها وانت وابوك ستفرج كل همومه ومن بركة سورة البقرة أيضا انها ستكون سبب في اصلاح علاقتك بالله. استمري عليها باقي عمرك كله والله انها ساعة او ساعة وربع بس وتنتهى من تلاوتها وخذي لك كمان نص ساعة ورد من القرآن ولو ٥ صفحات وخلاص واستمرى كل يوم كذا ستجدين فجأة انك أصبحت مهمته بنفسك ودينك وصلاتك وستجدين كل من حولك تغيروا وابوك نفسه تغير تماما وصار ربنا يرزقه من حيث لا يحتسب ابوك حتى طبع الكسل الي عنده راح ينتهى كل الى حولك سيتغير وليس انت فقط والله انا مجربة واكلمك عن تجربة.

 

ج3/ على فكرة انتم وضعك ارحم من غيركم الحمد لله ما فيش حد مدمن مخدرات عارفة وصل الحال في ناس في مصر عندنا انه منهم صار مدمن مخدرات وقتل اسرته كلها ومنهم من يخطف الأطفال ويقتلهم ويبيع اعضاؤهم وزاد الخطف وعصابات الخطف في مصر وتجارة بيع الأعضاء ومصائب سودة والله احمدي ربنا لسة عندكم عقل في ناس فعلا ما صار عندهم أي دم ولا عقل ولا أي رحمة ولا قلب عندهم و أبوك قد يكون عنده مرض نفسى ويهرب من الواقع ويعيش في أفلام واحلام وهمية عنده وقد يكون تعود على عدم تحمل المسؤولية لان من صغره امه تسوى له كل شيء فما تعود ابدا على تحمل المسؤولية انسى كل شيء واسمع كلامي انت انسانة ناجحة والحمد لله دخلتي كلية صيدلية استمرى و حقق النجاح فيها وعوضي نفسك بالتفوق في هذه الكلية وانا تكوني الأولى على دفعتك وتتوظفين بالجامعة ويصير لك مركز مرموق و استمرى كما قلت لك في تلاوة سورة البقرة يوميا مع تلاوة ورد ثابت من القرآن ولو قليل وليس بدعة ما دام لم تتركي تلاوة باقي القرآن.

 

ج4/ احسني الظن بالله ..انت عندك سوء ظن بالله انه مهما سويتي ما راح يتغير شيء اعرف انك تحبين الله ..لكن اقصد ان الشيطان الان بدا يصيبك باليأس من رحمة الله ويجعلك تسيئين الظن بالله.. ثقى بالله وهو جل وعلا عند ظن العبد به سبحانه وتعالى كمان دايما ادعى وكلمى ربنا تكلمي مع الله دائما و قولي له اللهم انت ثقتي ورجائي وحسبي ووكيلي .. انا واثقة يا رب انك لن تتركني .. انا واثقة يا رب انك هتفرج كربي تكلمي كثيرا مع الله .. اسمها المناجاة. وفقك الله لكل ما يحب ويرضى ويسر لك كل امورك.

 

ج5/ توكلي على الله وأحسني الظن بالله سبحانه وتعالى تابعي تعليميك شهادتك سلاح بيدك.

 

ج6/ أيضا سأقول لك على شيء مهم جدا … اهم شيء تنتظمي في صلوات الفرائض بمعنى انك اول ما تسمعي الأذان قومي صلى الفرض خلى السنن بعدين ..بمعنى لما تنتظمي على الفرائض مثلا لمدة سنة كاملة ما شاء الله كل صلاة في اول وقتها و انتظمى في الفرائض فقط ثم بعد كده لما تنظمي على الفرائض ..تقربي بالنوافل ولن تنفعك سورة البقرة وانت تاركة للصلاة .. صلاة الصلوات فى اول وقتها بركتها اكبر من بركة سورة البقرة وصلاة الفجر في وقتها ..فه بركة ليومك كله يا أخيتي . لا تشددي على نفسك وتلزمي نفسك بأشياء كثيرة لن تكملي الطريق السلم اصعديه درجة درجة لان اذا صعدتي السلم بسرعة ستقعين بسرعة ابنى مبنى الايمان وعماده هو الصلاة أسسي الأساس الصحيح أولا ثم ابنى المبنى .. قد ينهدم المبنى كله اذا كان الأساس خربان اهتمي بالصلاة هي أساس الدين.

 

ج7/ انتي وحده واعيه جدا. وشرحتي مشكلتك بدقه وعارفه وين الخلل اول شيء ما يجوز تقولين كلام سيء عن الوالدين حتى لو كان هذا الكلام موجود فيهم لأنه من اكبر الكبائر بعد الشرك بالله توبي لله من هذا الشي وراح تعرفين مستقبلاً ان ضرب الام تربيه ولا تقصد تضرك لان فهمها كذا والسبب الضغوط اللي عليها والمسؤوليات وتعب الحمل والولادة والشغل والفقر. يعني ما التمست لها العذر ؟ حطي نفسك مكانها ثانياً. انت لسى بنت صغيره واغلب مشاكل البنات في هذا العمر. انها تائهة و مو عارفه ايش تبي والحل من الاخر اضبطي علاقتك مع الله راح يضبط معك كل شيء راح يسخر لك كل شيء وكوني صادقه من داخلك مو يوم تصلين ويوم لا قدمي طاعة الله قبل كل شيء وخاصه الصلاة اذا قبلت انقبل كل شيء اقطعي علاقتك بكل شيء سيء وخاصه العلاقات المحرمة قفلي الباب هذا قبل ينفتح انتبهي اما موضوع انهم ينضرون لكل نظره مو زينه ما ادري يمكن يكون شك منك؟ واذا كان هذا الشي حقيقي. حاولي ما تبيني جمالك في البيت البسي لبس ساتر وابعدي عن أي شيء فيه ابراز لجمالك اما علاقتك السيئة مع اختك. حاولي تقربي منها بيني لها انك محتاجتها. وتكلمي عن وضع امك وابوك وانكم مثلا لازم تساعدونهم حاولي تكسبينها اما امك كيف تكسبينها ساعديها في الشغل وبيتي لها انك ما تبينها تتعب. الام سهل تكسبيها وتطيعيها واحتسبي الاجر لله لان توفيق الانسان له علاقة في بر الوالدين كلها كم سنه و تتخرحين وممكن تجيك وضيفه على طول اصبري واحتسبي الاجر. اكثري من الاستغفار طول اليوم خذي سبحه واستغفري وصلي على النبي اقل شيء مئة مره هذا الشي له دور في تفريج الهموم عن تجربه وتذكري ما فيه بيت خالي من المشاكل ابدا شغلي سورة البقرة او القران بشكل عام في البيت. استمري ولا تيأسي عطيتك الحل الحقيقي نلف وندور وما في حل لمشاكلنا الا الله والقرب منه مهما يعطونك حلول راح تكون ناقصه الله يفرج همك وهم جميع المسلمين وتذكري ما في شيء يدوم لا حزن ولا فرح حتى الدنيا بكبرها الى زوال.

What's Your Reaction?
Excited
0
Happy
0
In Love
0
Not Sure
0
Silly
0

© 2019 جميع الحقوق محفوظة لحوامل . All Rights Reserved.

Scroll To Top
error: Content is protected !!