Now Reading
متزوجة من 3 سنوات ونص لكن دائما مشاكل وزوجي دائما يكلم بنات

متزوجة من 3 سنوات ونص لكن دائما مشاكل وزوجي دائما يكلم بنات

PIN IT

متزوجة من 3 سنوات ونص لكن دائما مشاكل وزوجي دائما يكلم بنات السلام عليكم ورحمة الله وبركاته متزوجة من ثلاث سنوات ونص لكني من مشكلة للثانية مع زوجي دايما أشوفه يتكلم مع بنات ويلاحقهم من أيام الملكة للان وصار قدامي يكلمهم بدون احترام لمشاعري زعلت كم مرة ويوعدني ويندم ويرجع زي ما كان يبدي تفهم ويرجع صار مع الوقت يضربني بالجزمة ومرات كف على وجهي وازعل عنده في البيت وما يفيد صار يشوف انه مو غلطان علما اني مره طيبه معاه ورفض بالبداية اتوظف وقعدت معاه كم سنة بدون وظيفة ولي وقفات معه ومع اهله وخاصة امه كانت مريضة وتنوومت معاها وكنت اطبخ لهم من بداية زواجي وهو اتفه شيء يعلم امه ويكذب عليها لدرجة صارت كلما تشوفني تعايرني وتشتمني وولدها من جهة ثانية حطموني لأني كنت نحيلة وابوه كان يقول عني هذي على نيتها و تدخلوا بحياتي وبحليب ولدي وملابسه وكل شيء قبل سنة كان له شهور يطردني ورفضت اطلع الى ما ضربني وشتمني وقال انت بلا كرامة وليه جالسه عندي وحجز لي لأهلي وطلعت مع ولدي بعد شهور طويلة رجع يصالحني لكن وقتها توظفت وعندي خدامة لولدي ومع ذلك رجعت وصار لنا ٦ شهور وللحين بهاتف كلام بينا يشتمني ويقول ندمت اني تزوجتك وتف عليك والله يلعنك عاد كنت حامل ومن أسبوع وبأسباب نفسيتي الزفت اجهضت بلكته من كل مكان وكرهت اني أتكلم معاه توقعت يتعدل بالعكس زاد سوء ايام ما فيه احسن منه وايام لا

 

ج1/ مشكلتك انك فاهمة الطيبة غلط .. الطيبة ابدا مش معناها انى أعيش بدون كرامة وارضى بالذل والهوان المؤمن لا يلدغ من جحر مرتين انت اللي رضيتي لنفسك بكل اللي حصل لك .. ماشية مسكرة عيونك ومش عارفة امتى تفتحي عيونك وتنتبهي انه كل ده دمار لك ولأبنائك ام تنتظري حتى يصبح قدوة لابنك ويصير مثله ربنا يصلح حالك وأفضل حل طبعا انك تذهبي الى اهلك ولا عاد ترجعي له ابدا حتى لو تاب اذهب لأهلك وارجعي لوظيفتك وربي ابنك تربية سليمة وادعو الله ان يعوضك بالزوج الصالح

 

ج2/ يا اختي ليه رجعتي ؟؟؟ ردي لأهلك ووظيفتك وشغالتك معك ووظيفه تعزك اكرمي نفسك يا حبيبتي واعتني بولدك بنفسيه مرتاحة

 

ج3/ لا ترجعين له ابد ابد عزي نفسك والحمد لله توظفي الله لايحيجك له ولا تتركينها لو ايش

 

ج4/ ليه أهلك ما يبونك؟ الاحترام اذا انعدم من الحياة الزوجية خلاص وش بقى لو انا مكانك اما يتغير تغيير جذري بالأفعال مش بالكلام او اني اتطلق منه واشوف حياتي خصوصا ما بينكم أولاد وبعدين انت موظفة وهذي نقطة في صالحك مارح تحتاجين أحد. هو قال انك بدون كرامة لأن انت ساكتة ما في رجال بالدنيا تعجبه المرأة الضعيفة بالعكس يدوسها ويمشي عليها ولا كأن صائر شيء. قوي شخصيتك واتخذي قرار يريحك ويحسسك انك انسانة لها قيمة. أهلك لو كانوا حاسيين فيك كان رحموك. استغرب منهم؟

 

ج5/ اتركيه غير مأسوف عليه ضرب وبالجزمة كمان وتفل ولعن ويكذب ويتبلى ويخون وقدامك يختي هذا اللي انتي فيه ضعف وبلا كرامة وسذاجة ماهي طيبة الحقي علي نفسك قبل يكثروا العيال وتتورطي عندك طفل واحد فقط وعندك وظيفة خلاص عزي نفسك الله يعوضك

 

ج6/ السلام عليكم ورحمة الله وبركاته الرد على استفسارك متزوجة من 3 سنوات ونص لكن دائما مشاكل وزوجي دائما يكلم بنات  اهلا بكِ اول شيء: العلاقة بين الزوجين ” خاصه جدًا ” محد يشوفها غيرهم. وهذا شيء جميل، يساعدك تقدمين تنازلات وتأخذين مواقفك بحكمه ، بدون ما تنشغلين بقال ويقولون … وكمان ، خصوصيتها .. بكون انهم لباس لبعضهم … فهم مقربين أكثر من أي نوع علاقة ثانيه فيه حديث لا اذكره الان فيما معنها ان الرسول صلى الله عليه وسلم والصحابة لمن رجعوا من غزوة بلغوا صحابيه ان ابوها مات فاسترجعت ثم ان اخوها مات فاسترجعت … ثم ان زوجها مات فلأدري ما لنص بالضبط! لكن كأنها ردت فعلها فيها اختلاف وحزن اشد فقال النبي صلى الله عليه وسلم كلامها بين فيه ان مكانة الزوج من المرأة مختلفة جدا وخاصه جداً الزواج هدفه السكن، وضروري فيه العشرة بالمعروف متى ما عدمت .. كل شيء فيه يبطل ينفع المودة تنقلب بغض والبيئة تبطل صالحه لتربيه الأولاد بطريقه صالحه النفسيات اللي المفروض تستقر وتتشبع عاطفيا ( سواء للزوجين الأطفال ) تكون على العكس متوترة ومشحونة ضد بعضها لذا النصيحة لكِ بالطلاق { فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ }قلتي كلام ، سجلتي فيه موقف عظيم ” انه هددك بالطرد ، واجبرك ورفضتي احسنتِ ، موقفك صحيح ومحاولة اذيته لك نفسيا ولفظيا ، تؤخذ لك بأذن الله يوم يضع الله الموازين القسط يوم القيامة إلا ان عفويتي عنه  لكن طالما انك في ذمته  حتى لو طلقك ” طلقتين = طلاق رجعي ” العدة تكون ببيتك وطالما انك بذمته = هذا بيتك … بشرع الله ماله حق يطلعك منه ، وموقفك صحيح بعدم خروجك منه ولا له منه ، هذا حقك يقول الله في سورة الطلاق : {واتقوا الله ربكم لا تخرجوهن من بيوتهن ولا يخرجن} نسب الله البيت لها ( الزوجة ) فقال سبحانه ( بيوتهن ) فهذا حقك ، وبقائك فيه حق لكِ شرعا عليه وتمسكك بالبقاء فيه … موقف صحيح ، وقوة ليس كما يحاول يصور لك هو انه ضعف واذلال وانك جالسه في مكان ليس لك  تمام .. الان الخلل عندكم وين ؟؟ في ان رجلك له علائق مع النساء محرمه الواقع ان الرجال اللي يفتح باب العلاقات مع النساء ٠ لا يحترم المرأة) ولأي ستطيع هذا حتى في أوروبا  العنف المنزلي عندهم بالغ منتهاه ،، واصل الضرب بين الشركاء ” كانوا ازواج شرعيين او عشاق ” للنساء لدرجة الإتلاف  الواقع : ان المشكلة ليست فيك . هو هكذا لمن يفتح الرجل على نفسه باب العلاقات المحرمة مع النساء لا يستطيع ان يحترم المرأة  ونتيجة طبيعية يكون العنف ضدها لذا نصحته كثر الله خيرك هدتيه ، جبتيها معه بالقوي ما انصلح … خلاص هنا وقفي ليس عليكِ هداه .. وترى افضل ما انصحك ان تلحين على الله بتوليه اياك والخير كله …عندك الأدعية النبوية جامعه … جامعه لكل خيري الدنيا والأخرة يقولون العلماء اي خير تبغاه يخطر على بالك موجود فيها استغلي أوقات الإجابة ما بين الاذان والإقامة منتصف الليل والسحر خاصه بالدعاء … بضراعة وصدق مع كثرة استغفار وركزي على القران ليش اقولك كذا  لأن شئنا أم ابينا ، ايش ما كان الزواج وصل لمرحلة لابد الفراق فيه الواقع انه كما وصف النبي صلى الله عليه وسلم : ” الطلاق كسر المرأة ؛ بتلاقين نفسك بعد الطلاق حزنتي او محبطه او ..الخ فهذا الدعم الايماني ،، يساعدك بأذن تنجبرين وتتجاوزين المحنه بأسهل ما يكون وكمان هي قرب من الله العلي الكبير  فبإمكانك لمن تكونين متعودة تتدعين متعودة تتقربين من الله تسألينه ما في نفسك  بسهوله تطلبين من الله انه يعوضك بزوج خيرا منه او …وظيفة مرضيه له سبحانه او او …الخ اسال الله ان يختار لك الاحسن ويأجرك على كل التعب

What's Your Reaction?
Excited
0
Happy
0
In Love
0
Not Sure
0
Silly
0

© 2019 جميع الحقوق محفوظة لحوامل . All Rights Reserved.

Scroll To Top
error: Content is protected !!